Margrét Katrín Guttormsdóttir

Margrét Katrín Guttormsdóttir lauk BA gráðu í vöruhönnun frá Listaháskóla Íslands árið 2021 sem og diplóma í Textílhönnun frá Myndlistaskólanum í Reykjavík árið 2018. Lokaverkefni hennar koma fram í Talking Textiles, tímariti sem gefið er út í tengslum við New york Textile Month. Hún er með bakgrunn í dansi en útskrifaðist af dansbraut frá Menntaskólanum við Hamrahlíð og hefur það enn áhrif á hennar þróun og verkefni. Ásamt Ragnheiði Stefánsdóttur myndar hún teymið Þráðlausar sem má rekja til ársins 2018 þar sem þær endurvinna textíl í húsgögnum með vefnaði. Nýlega kláraði hún nám hjá Fabricademy haldið af Textílmiðstöð Íslands sem snýr að nývinnslu í textíl í tengslum við tækni, líffræði og raftækni. Margrét er verkefnisstjóri TextílLabsins hjá Textílmiðstöð Íslands.