Heimavist í Kvennaskólanum

Svefnherbergin í Kvennaskólanum eru á 2. hæð hússins. Hver og einn hefur sitt eigið herbergi. Herbergin hafa annað hvort útsýni til suðurs yfir ána Blöndu eða til norðurs með útsýni yfir bæinn Blönduós. Hvert herbergi hefur rúm (sum herbergin hafa tvö einstaklingsrúm), einn stól, lítið borð og skáp. Sængurföt og handklæði eru á staðnum. 

Allir íbúar deila litlu eldhúsi á 2. hæð en þar eru tveir ísskápar, eldavél, uppþvottavél og örbylgjuofn ásamt venjulegum eldhúsáhöldum. Einnig er þar búrskápur sem hægt er að nýta til geymslu á matvælum. Handan gangsins á móti eldhúsinu er stofa þar sem eru stólar og borð sem einnig er hægt að nýta sem borðstofuborð. Þar er einnig lítið bókasafn. 

Íbúar listamiðstöðvarinnar deila með sér einu baðherbergi með sturtu á hæðinni. Fleiri baðherbergi, sem hægt er að nýta, eru á 1. hæð og baðherbergi og sturta eru í kjallaranum. Í kjallaranum er einnig þvottahús með þvottavél, þurrkara og þurrkgrind. Notkun á tækjunum og þvottaefni eru innifalin í leigunni. 

Hallway residency

 Heimavist. Ljósmynd: Textílmiðstöð.