Ullarthon 2021
Ullarþon 2021. Nýsköpunarkeppni var samstarfsverkefni Textílmiðstöðvar Íslands og Nýsköpunarmiðstöðvar Íslands í tengslum við CENTRINNO, styrkt af Framleiðnisjóði Landbúnaðarins. Markmið Ullarþonsins var að auka verðmæti ullarinnar, þá sérstaklega verðminnstu ullarflokkanna. Fyrsti liður Ullarþonsins var haldin var 25. - 29. mars þegar keppnin sjálf stóð yfir. Þann 17. apríl var tilkynnt hvaða lausnir komust áfram. Þau teymi sem komust áfram kynntu svo hugmynd sina fyrir dómnefndum.
Alls bárust 63 gildar hugmyndir í fjórum flokkum:
1. Þróun á vinnslu textíls úr óunninni ull
2. Blöndun annarra hráefna við ull
3. Ný afurð
4. Stafrænar lausnir og rekjanleiki
Bak við þeim 63 lausnum, voru fleiri en 100 þátttakendur. Þann 20. apríl voru verðlaunuð þær hugmyndir sem unnu hug dómara. Hr. Guðni Th. Jóhannesson veitti þeim teymum, sem unnu í hverjum flokki 400.000 kr, og ullarkodda frá Ístex í verðlaun á sýningu Textílfélagsins á Hafnartorgi í Reykjavík í tengslum við HönnunarMars 2021. Vinningshafar voru:
Óunnin ull: ,,Ullarhúsið“; Jón Gautasson & Hrönn Jónsdóttir https://youtu.be/LN2xnEJD2y0
Jón og Hrönn vinna með umhverfisvæna byggingarvöru, þ.e. þar sem ullin er nýtt sem einangrun sem blásin er inn í veggi hússins.
Blöndun við ull: ,,Snoðbreiðan“; María Dís Ólafsdóttir, Helga Aradóttir, Kristín S. Gunnarsdóttir og Mörður Moli Gunnarsson https://www.youtube.com/watch?v=2pthnpLDigg María, Helga, Kristín og Mörður vinna með gróðurmottu “Snoðbreiðu” þar sem ullin er þæfð og fræjum komið fyrir í ullinni. Hægt að nýta ullina til landgræðslu eða gróðursetningar inni sem úti.
Blöndun við ull: ,,Snoðbreiðan“; María Dís Ólafsdóttir, Helga Aradóttir, Kristín S. Gunnarsdóttir og Mörður Moli Gunnarsson https://www.youtube.com/watch?v=2pthnpLDigg María, Helga, Kristín og Mörður vinna með gróðurmottu “Snoðbreiðu” þar sem ullin er þæfð og fræjum komið fyrir í ullinni. Hægt að nýta ullina til landgræðslu eða gróðursetningar inni sem úti.
Ný afurð: ,,Cool Wool Box“; Anna María G. Pétursdóttir https://www.youtube.com/watch?v=UHACcSxV92Q
Anna María þróar kælibox úr ull í stað frauðplasts sem er 100% endurvinnanleg. Er ætlað fyrir fiskútflutning.
Stafræn þróun og rekjanleiki: „Unikind“; Laufey Kristín Skúladóttir & Hanna Birna Sigurðardóttir https://youtu.be/oPZmc8a2NE0
Laufey og Birna vinna lausn sem þær kalla “Á flakk með Flekku” þar sem hægt verður að fá innsýn inn í líf kindarinnar í gegn um upplýsingar á bandinu og hvaðan bandið kemur. Unnið í samstarfi við bændur.
Framkvæmdastjórar Ullarþonsins vilja þakka leiðbeinendum, dómurum, þátttakendum og þeim fyrirlesurum sem komu að Ullarþoninu fyrir sitt frábæra starf. Það er mikil gróska í nýsköpun í öllum iðnaði um þessar mundir, við viljum hvetja frumkvöðla, að halda áfram að þróa þessar flottu hugmyndir sínar sem skiluðu sér í Ullarþonið. Framtíðin er ykkar!
