Textílmiðstöð Íslands

opnun fyrstu stafrænu textílsmiðjunnar á Íslandi 

Þann 21. maí 2021 var opnað TextílLab á Blönduósi. TextílLab er á vegum Textílmiðstöðvar Íslands og eina stafræna smiðjan á Íslandi sem leggur fyrst og fremst áherslu á textíl. Í textíllabinu má bæði finna grunntæki stafrænna smiðja einsog vinylskera og leiserskera auk þeirra sérhæfðu tækja sem eru stafrænir vefstólar, nálaþæfingarvél og von er á á stafrænni prjónvél sem byggir á nýjum hugbúnaði og möguleikum í prjóni. Innleiðing stafrænnar tækni í textíl er gríðarlega mikilvægt skref ekki síst útfrá umhverfissjónarmiðum og menntun nýrra kynslóða.

Fjármögnun uppbyggingarinnar er í gegnum styrki og þátttöku í stóru Evrópuverkefni Centrinno, styrk úr Innviðasjóði, Lóu-nýsköpunarstyrkur á landsbyggðinni og Uppbyggingarsjóði Norðurlands vestra. Mikilvægur þáttur í nýtingu aðstöðunnar er uppbygging náms á háskólastigi þar sem verklegi þátturinn er jafnframt aðgengilegur fleirum.

Á næstu vikum er verið að skipuleggja námskeið og opnunartíma en nýr starfsmaður tekur til starfa þann 1. október næstkomandi.

LESA MEIRA