Hagnýtar upplýsingar fyrir gesti Prjónagleðarinnar

Hagnýtar upplýsingar á Prjónagleðinni

Á bás Prjónagleðinnar á Garntorginu má leita upplýsinga um hvaðeina sem hátíðinni viðkemur. Þar verður einnig hægt að kaupa Prjónaarmbönd og námskeið.

Prjónaarmbönd

Prjónaarmböndin fást í bás Prjónagleðinnar á Garntorginu og kosta 3000 kr.  Þeir sem keypt hafa armbönd á netinu þurfa að sækja þau þangað gegn framvísun kvittunar. 

Með því að kaupa Prjónaarmband þá styður þú við þennan magnaða viðburð sem Prjónagleðin er.

Prjónaarmbandinu fylgir jafnframt aðgangur að öllum fyrirlestrum hátíðarinnar og á opnunargleðina á föstudagskvöldið og síðast en ekki síst gætir þú unnið í lukkuleik Garntorgsins.

Námskeið

Þátttakendur eru beðnir um að mæta tímanlega, svo námskeiðin geti hafist á réttum tíma og taka með sér þau áhöld og efni sem talað er um í námskeiðslýsingum. 

Hægt er að bóka sig á námskeið, fram á síðustu stundu á bás Prjónagleðinnar á Garntorginu.

Fyrirlestar

Ekki þarf að skrá sig á fyrirlestra en til þess að komast á þá þarf að framvísa prjónaarmbandi.