Textílmiðstöð auglýsir eftir starfsmanni í TextílLabi!

Textílmiðstöð auglýsir eftir starfsmanni í 100% starfi í TextílLabi!

Helstu verkefni og ábyrgð í samstarfi við umsjónarmann TextílLabsins:

• Umsjón með rýminu: Daglegur rekstur, viðhald, þrif og umsjón með stafrænum tækjabúnaði með áherslu á leiserskera og þrívíddarprentun. Í umsjón starfsfólks eru jafnframt tæki tengd vefnaði, prjóni, útsaum og þæfingu.
• Leiðbeining og kennsla: Taka á móti einstaklingum, hópum og nemendum, veita tæknilega aðstoð og halda reglulega námskeið á tækin.
• Stuðningur við nýsköpun: Aðstoða frumkvöðla, listafólk og sprotafyrirtæki við útfærslu verkefna og þróun á vörum.
• Samstarf: Þátttaka í innlendum og alþjóðlegum samstarfsverkefnum tengdum Textílmiðstöðinni.

Við leitum að einstaklingi með:

• Brennandi áhuga á textíl, nýsköpun, tækni og umhverfismálum.
• Tæknimenntun eða önnur menntun sem nýtist í stafrænni smiðju.
• Ríka samskiptahæfni og getu til að leiðbeina fjölbreyttum hópum.

Starfið krefst búsetu á svæðinu.
Textílmiðstöðin áskilur sér rétt á að hafna öllum umsóknum. Umsóknarfrestur er til 18. desember.

Allar nánari upplýsingar um starfið veitir, Elsa Arnardóttir, forstöðumaður: elsa@textilmidstod.is