TC2 stafrænn vefstóll

Textíllistamiðstöð býður upp á aðgang að TC2 (Thread Control 2) stafrænum vefstól frá Tronrud Engineering. Með TC2 er hægt að vinna og hanna vefnað sem venjulega krefst Jacquard vefstóls. Mögulegt er að breyta bindimunstri, skaftafjölda og hönnun vefsins nánast um leið og ofið er. Vefbreiddin á TC2 vefstólnum er 107,5 cm, hann er með sex modulum (hafaldasettum) og í uppistöðunni er möguleiki á 1320 þráðum. Sér tölva, Macbook Pro, fylgir vefstólnum. 

TC2 vefstóllinn er staðsettur að Árbraut 35 sem er við hliðina á Kvennaskólanum. Vefstólinn þarf að bóka fyrirfram - sjá einnig gjaldskrá og umsóknareyðiblað fyrir TC2. Meðan á dvöl stendur býr listafólkið í húsinu þar sem hann er staðsettur. 

Vinsamlegast athugið að listafólk sem bókar TC2 vefstólinn þarf að hafa reynslu og unnið í TC1 eða TC2 stafrænum vefstól. Textilmiðstöðin býður ekki upp á kennslu í vefnaði, nema það sé sérstaklega auglýst. 

TC2 loom 

TC2. Ljósmynd: Textílmiðstöð.